Seferovic: "Aspas é un crack, podemos facer unha dupla moi boa"

Haris Seferovic foi presentado como xogador do Celta. O internacional suízo decidiuse polo Celta porque xa coñece a Liga e gústalle o fútbol dos celestes.

Na presentación tivo palabras para Iago Aspas:

"É un crack, entende moi ben o xogo, coñecéndonos máis tempo podemos facer unha dupla moi boa"

"Eu ataco moito no espazo e podemos facer asistencias e goles os dous"

O presidente do Celta, Carlos Mouriño, estaba feliz coa fichaxe.

"Para o Celta é un luxo e unha satisfacción ter a un xogador como Sefe. Queremos agradecerlle que nos escollera entre outras opcións que tiña"

Seferovic fixo o primeiro adestramento cos seus novos compañeiros.