Publicador de contidos

Sara Budiño convive coa covid persistente desde hai máis dun ano

Sara Budiño convive coa covid persistente desde hai máis dun ano

Fatiga, tensión na cabeza e perdas de visión son algúns dos seus  síntomas

G24.gal 31/10/2021 15:05

A covid persistente afecta ao redor do 10% das persoas que pasaron a covid. Non é sinxelo abordala clinicamente porque a sintomatoloxía é amplísima e pode manifestarse en practicamente todos os sistemas orgánicos. 

Sara pasou a covid-19 pensando que era gripe. Foi pouco antes de que a pandemia nos pechara na casa. Durante o confinamento apareceron síntomas asociados ao sistema nervioso que persisten: parestesias, perdas de visión, un pito constante na cabeza, a sensación de estar permanentemente en tensión. 

Acode a rehabilitación para lidar coa dor e tratar de minimizar as limitacións derivadas da síndrome. É unha loita diaria, contra os síntomas e contra as emocións negativas. Tamén contra a incomprensión.

Preto do 80% dos pacientes de covid persistente son mulleres

Hai máis de douscentos síntomas asociados á covid persistente é cómpre individualizar cada tratamento ao máximo posible, sesión a sesión. Faise preciso crear redes de seguimento. Case o oitenta por cento dos pacientes con covid persistente son mulleres.

Publicidade
Publicidade
Publicidade