Sánchez reivindica os dous anos de lexislatura e o PP di que o actual Goberno "está acabado"
O presidente do Goberno reafirma a vontade de esgotar o mandato e salienta a situación económica
Este domingo cúmprese dous anos xustos da actual lexislatura. Para o PP son" dous anos de mentiras" mentres que Pedro Sánchez divulgou un vídeo no que reivindica as súas políticas económicas e sociais.
Indica Sánchez que o seu é o Goberno que "defende as cousas que realmente lle interesan á xente " e reafirma que vai seguir ata esgotar este mandato dous anos despois da investidura. Sánchez salienta o crecemento da economía e que hai 22 millóns de persoas ocupadas.
Sánchez tamén destaca o compromiso climático e o traballo para reconstruír as zonas afectadas pola DINA., ao tempo que sinala que a vivenda accesible é unha das súas prioridades.
Case en paralelo, o PP publicaba outro vídeo con este resumo: "Dous anos de lexislatura, dous anos de mentiras, cortinas de fume e escándalos de corrupción".
