Sánchez participa na reunión de seguimento do accidente ferroviario de Urda

O presidente do Goberno, Pedro Sánchez, participou este sábado na reunión de seguimento e coordinación da resposta ao accidente ferroviario de Urda (Toledo), que se celebrou no Centro Nacional de Seguimento e Coordinación de Emerxencias (CENEM), en Madrid.

A Moncloa informou nun comunicado de que o presidente se reuniu con representantes dos principais organismos e institucións implicadas na xestión da traxedia do mércores pasado, para analizar as actuacións do operativo despregado e a coordinación da resposta.

No encontro, Sánchez estivo acompañado do ministro do Interior, Fernando Grande-Marlaska.

O presidente do Goberno e candidato do PSOE ás eleccións xerais reiterou o compromiso do seu executivo coas vítimas, os feridos e as súas familias.

Tamén destacou a "extraordinaria colaboración" entre Administracións, a solidariedade da cidadanía de Castela-A Mancha e a profesionalidade de todos os servidores públicos e os servizos de emerxencias, apunta A Moncloa.