Sánchez propón aos presidentes autonómicos triplicar o investimento público en vivenda

O presidente do Goberno, Pedro Sánchez, enviou unha carta aos presidentes das comunidades ante a celebración en Barcelona da Conferencia de Presidentes para pedirlles impulsar xuntos un novo Acordo Estatal para a Vivenda 2026-2030, con medidas como triplicar o investimento público nesta materia, alcanzando os 7.000 millóns nos próximos catro anos, á vez que propón crear unha base pública de prezos de alugueiro e compravenda de inmobles.

Na carta, á que tivo acceso EFE, Sánchez resalta que a Conferencia de Presidentes é un foro para fomentar o diálogo e o intercambio de ideas entre administracións e considera que o acceso á vivenda é un desafío que hai que afrontar porque o que se fixo ata o de agora estima que non é suficiente.

"Quero convidarte a dar un paso máis e impulsemos xuntos un novo Acordo Estatal para a Vivenda 2026-2030", escribe o xefe do Executivo nesa misiva, en que sinala que o acordo podería aprobarse nos próximos meses e asentaríase en tres compromisos.

"Só con esa transparencia poderanse deseñar políticas públicas realmente eficaces e axudar a cidadanía para negociar de forma adecuada o prezo da súa casa", defende Moncloa.

En concreto: triplicar o investimento público en vivenda, blindar de forma indefinida a cualificación das vivendas con protección pública e acabar co monopolio da información que teñen algúns portais privados dando máis transparencia o sistema.