Sánchez convoca a conferencia de presidentes polo aumento de contaxios

O presidente do Goberno, Pedro Sánchez, convoca para a próxima semana un cumio de presidentes autonómicos ante o incremento notable dos contaxios.

Sanidade notificou o venres 33.359 novos casos e sumou 41 falecidos ao reconto oficial de vítimas da covid. A incidencia acumulada sobe 38 puntos, ata os 511 casos por 100.000 habitantes. Iso si, a presión hospitalaria está estable: 5,3 % en planta e 14,3 % en UCI.

Sánchez quere unha resposta conxunta das comunidades autónomas para frear o avance da sexta vaga do coronavirus.