Rueda arroupa a Daniel Vega como candidato do PPdeG en Ribadeo

O presidente dos populares galegos arroupou este mediodía a Daniel Vega na súa presentación como candidato á alcaldía de Ribadeo.

Alfonso Rueda cre que chegou o momento do cambio nesta vila da Mariña luguesa despois de varios anos de goberno nacionalista. 

Os populares aseguran que o 28 de maio vótase para mellorar o futuro de cada concello e que hai que facer programas electorais realistas.