Publicador de contidos

Publicador de contidos

Rouban material agrícola nun centro de formación para persoas con diversidade funcional

Rouban material agrícola nun centro de formación para persoas con diversidade funcional

Os ladróns rebentaron a pechadura cun trade na noite de San Xoán

G24.gal 30/06/2022 12:39

Unha asociación redondelá de atención a persoas con diversidade funcional denuncia o roubo de material agrícola nas súas instalacións. Xa denunciaron os feitos perante a Policía Nacional.

Da maquinaria subtraída non só depende o mantemento das zonas verdes e da horta do centro, senón que constitúe a ferramenta principal do programa de formación e de competencia laboral que este curso seguiron aquí, en Andaina, tres alumnos e que agarda catro novas incorporacións, polo menos, para o vindeiro ano académico. 

A maquinaria agrícola fora doada por empresas da zona, dado o carácter pedagóxico desta asociación redondelá, en que persoas con diversidade funcional se forman en labores de xardinería, horta e cociña.

O material desaparecido está valorado nuns 2.000 euros e a denuncia xa foi presentada na comisaría de Redondela da Policía Nacional.

Publicidade
Publicidade
Publicidade
Publicidade