Rodri "Damos por bo o empate"

Tras ir por debaixo no marcador gran parte do encontro, o Compostela foi quen de empatar o encontro ante o Pontevedra. O seu técnico Rodri Veiga atendeu ao Galicia en Goles na zona mixta do Vero Boquete para avaliar o resultado final.

"Foi un partido igualado. de rivalidade, bonito para o espectador. Ao comezo do partido todos queremos gañar pero tras valorar todo, ao final, teño que dar por bo o resultado. O partido fíxose longo, tiveron máis ocasións que nós. Soubemos agarrarnos ao partido e sacar algo positivo."