Roberto do Viso, detido de novo como presunto autor dun roubo en Ribeira
Roberto do Viso, detido de novo como presunto autor dun roubo en Ribeira
Acúsano de roubarlle o bolso a unha señora de 74 anos polo método do tirón
Estaba en busca e captura por incumprir a orde de afastamento da súa irmá
A policía detivo en Ribeira un delincuente reincidente que lle roubou o bolso a unha muller. O ladrón estaba en busca en captura. Trátase do coñecido popularmente como Roberto do Viso, acababa de saír de prisión e xa tiña unha orde de busca e captura por achegarse ao domicilio da súa irmá, da que ten unha orde de afastamento.
Pero o que finalmente desencadeou a súa detención foi o roubo dun bolso a unha señora de 74 anos polo método do tirón. Sucedeu o domingo na rúa Cervantes de Ribeira, e dúas testemuñas dos feitos facilitaron que a policía dera con el.
Roberto do Viso é un delincuente reincidente cun amplo historial de roubos, lesións e mesmo tráfico de drogas. Agora permanece arrestado no calabozo da comisaría da Policía Nacional de Ribeira. Está previsto que o paso a disposición xudicial se produza mañá.