Reyes Maroto compromete os investimentos necesarios para reiniciar Alcoa canto antes
Reyes Maroto compromete os investimentos necesarios para reiniciar Alcoa canto antes
Constituída unha comisión de seguimento para vixiar o cumprimento do acordo
As cubas deixarán de funcionar o 1 de xaneiro, durante dous anos
A ministra de Industria, Reyes Maroto, dixo que non está satisfeita coa solución final para a planta de Alcoa en San Cibrao, que rematou coa paralización das cubas durante dous anos a partir deste sábado, 1 de xaneiro.
"O máis complicado da negociación foi a actitude de Alcoa de non formar parte da solución"
A ministra comprometeuse a poñer á disposición os investimentos públicos necesarios para acelerar a volta á actividade da planta canto antes polo ben da Mariña.
Maroto esixiulle á Xunta un plan de industrialización para a bisbarra lucense ante a situación actual dos traballadores de Alcoa e da fábrica de Vestas.
Por todo isto, Reyes Maroto considera un éxito a constitución dunha comisión de seguimento, hoxe mesmo e só un día despois do acordo ca dirección de Alcoa, desde a que o ministerio velará polo cumprimento do pactado, día a día, xunto aos traballadores.
