Rescatados sans e salvos os tripulantes dun pesqueiro da Guarda que naufragou preto dos Azores
O Nuevo Salmón foi a pique cando se atopaba a 150 millas ao leste dos Azores debido a unha vía de auga
Os once tripulantes, tres galegos da Guarda e oito indonesios, están perfectamente e foron trasladados a terra á espera de seren repatriados á casa
Nueva Salmón (Ministerio de Pesca)
Naufraga o palangreiro galego Nuevo Salmón preto das illas dos Azores. Os seus 11 tripulantes -tres galegos e oito indonesios- foron rescatados, en bo estado, polo mercante CS Standard e trasladados en helicóptero ao arquipélago.
A embarcación afundiuse a 150 millas ao leste dos Azores contra as cinco da madrugada, segundo informa Salvamento Marítimo. Foi debido a una vía de agua, como confirman fontes da Organización de Palangreiros Guardeses (ORPAGU) e da propia armadora, Pesquera Lelo Mar, con base na Guarda.
Segundo transcendeu, os tripulantes, ao non ser quen de taponar a vía de agua, deron aviso e puxéronse a salvo. É a primeira vez que o buque e a tripulación sufriron un problema deste tipo, segundo explican desde ORPAGU.
A emerxencia foi coordinada polo Centro de Coordinación de Rescate (RCC) Ponta Delgada. O Centro Nacional de Coordinación de Salvamento (CNCS) recibiu a alerta da radiobaliza e o persoal estivo en contacto constante co centro portugués.
Hundimiento pesquero español Nuevo Salmón, 150 millas al este de Azores (zona SAR portuguesa). Sus 11 tripulantes han sido rescatados, en buen estado, por mercante CS Standard y trasladados en helicóptero a Azores.
— SALVAMENTO MARÍTIMO (@salvamentogob) August 29, 2025
Emergencia coordinada por RCC Ponta Delgada. En CNCS se recibió… pic.twitter.com/ZTy9xTeg90
Todos os tripulantes están ben e pronto regresarán á casa
A tripulación do Nuevo Salmón está formada por once persoas, tres españois e oito indonesios. Os tres españois son da Guarda. Trátase do patrón e tamén armador da embarcación, o motorista e o segundo motorista. Os tres son da Guarda. Trátase de José Manuel e Antonio R. R. e o fillo dun deles.
Todos foron rescatados sans e salvos polo mercante MC Standard e trasladados en helicóptero á illa de San Miguel, nos Azores. Os tripulantes galegos xa falaron coas súas familias e atópanse en bo estado. A armadora iniciou xa os trámites para traelos canto antes á casa.
O Nuevo Salmón, un palangreiro de 35 anos que nunca sufriu ningún problema
O buque sinistrado ten bandeira española e a súa base no municipio pontevedrés da Guarda.
Pertence á pesqueira Lelo Mar. A embarcación foi construída en 1990, dedícase ao palangre e mide 28,08 metros de eslora e 7 de manga. A súa capacidade de carga era de 107 toneladas.
No momento do naufraxio andaba á captura do peixe espada. É a primeira vez que o buque e a súa tripulación sofren un problema deste tipo.
