Rescatado no río Anllóns o cadáver dunha persoa desaparecida en Carballo

O cadáver dunha persoa desaparecida desde este sábado en Carballo foi rescatado no río Anllóns, segundo informan os bombeiros comarcais que participaban dende as nove da mañá no operativo de busca.

Perdéraselle a pista no río, na parroquia de San Xoán Bautista. Rastrexaron o leito ao longo do paseo fluvial ata que foi localizada sen vida sobre as 11:15 horas.

Unha vez fóra da auga, os servizos sanitarios certificaron o seu falecemento. No operativo tamén participou a Garda Civil de Carballo, Protección Civil e Policía Local deste municipio, e os GEAS da Coruña.