O incendio de Huelva xa supera as 3.600 hectáreas e mantén 121 persoas desaloxadas
Máis de 360 efectivos e ata 23 medios aéreos traballan na extinción dun incendio que as autoridades consideran "moi complicado"
Novos medios aéreos incorpóranse este martes aos labores a extinción do incendio forestal no municipio onubense de Villanueva de los Castillejos. O lume, que xa supera as 3.600 hectáreas, obrigou ao desaloxo preventivo de 121 persoas, segundo informou este martes o conselleiro anadaluz de Presidencia, Sanidade e Emerxencias, Antonio Sanz.
Nunha comparecencia ante os medios, Sanz explicou que se trata do perímetro sobre o que traballan os equipos de extincións, aínda que iso non significa que toda a superficie estea queimada. O responsable andaluz definiu o lume como un incendio de evolución complexa, favorecido polo vento e pola elevada carga de combustible vexetal da zona.
Mellora a situación
As autoridades destacan que nestes momentos non existe risco para a poboación. O flanco dereito do incendio, que ameazaba San Bartolomé de la Torre, atópase controlado, mentres que a cabeza do lume, na zona máis próxima a Gibraleón, permanece contida.
Dos 355 veciños desaloxados de forma preventiva, 234 xa puideron regresar ás súas vivendas. Outras 121 continúan fóra das súas casas, a maioría realoxadas co familiares e amigos.
EuropaPress
No operativo participan 360 efectivos terrestres, 13 autobombas, maquinaria pesada e ata 23 medios aéreos, unha cifra que podería aumentar ata os 25 ao longo da xornada. As autoridades manteñen aberta a investigación para determinr as causas do incendio.
