Publicador de contidos

Publicador de contidos

Refórzanse os controis da vendima para evitar que entre uva foránea nas adegas

Refórzanse os controis da vendima para evitar que entre uva foránea nas adegas

O plan de control aumenta as inspeccións nos viñedos e nas adegas para previr a fraude

Axentes de seguridade vixían tamén os movementos de uva nas estradas 

 

 

 

G24.gal 07/09/2022 15:00

Desde a cepa á botella, o viño amparado polas denominacións de orixe está sometido a controis de calidade e orixe durante todo o ano. Pero no tempo da vendima as inspeccións refórzanse cun plan de control extra para evitar que entre uva de fóra nas adegas.

"Hai varias liñas en marcha na vendima, a máis importante é a dos vedores que controlan o terreo cos viticultores e nas adegas verifican as capacidades pertinentes. Tamén na estrada as forzas de seguridade comproban as vías de acceso ás adegas, que sexan transportes adecuados e que a orixe e destino sexan correctos", explica José Luis Cabarcos, director da AGACAL.

Lonxe de molestalos, son moitos os viticultores e adegueiros que agradecen o control. Din que non teñen nada que agochar e aseguran ser os maiores interesados en que as cousas se fagan ben.

"Somos éticos e facemos as cousas ben, pero deste xeito se evitan tentacións que non levan a ningún lado, é positivo, así todos xogamos coas mesmas cartas, sen facer nada raro", di o xerente da adega Vía Romana, Juan Luis Méndez.

A pasada campaña os axentes fixeron máis de 700 controis na estrada e non se detectou fraude ningunha, pero a súa presenza ten importante función disuasoria.

"Sobre todo para protexer a produción de Galicia, o territorio e aproveitar as oportunidades que nos brinda un sector de éxito como é o do viño", engade José Luis Cabarcos.

Un sector, o do viño galego, que, segundo o informe Nielsen, aumentou un 9 % o seu valor no último ano, medrando en vendas e prezos nos mercados nacionais e internacionais.

Publicidade
Publicidade
Publicidade
Publicidade
Pódeche interesar