Recibindo clases para aprender a elaborar pan galego con masa nai
En tres sesións apréndenselles tres formatos diferentes de pezas de pan
Andrés é mestre panadeiro. Desde hai anos imparte cursos de elaboración de pan galego con masa nai.
Cada alumno trae da casa a súa propia masa nai e con ela aprenderá a amasar.
"Explícaselles os procesos que ten a masa nai e como conservala e empregala", explica Andrés Cuevas.
Son grupos reducidos. En tres sesións apréndenselles tres formatos diferentes de pezas de pan.
Desta volta toca darlle forma a un bolo ou molete.
"Hoxe imos falar do índice do panadeiro que é por porcentaxes para calcular as receitas. Tamén imos ver os diversos tipos de fermentación que teñen os diferentes pans", di.
Andrés pon en valor a recuperación e mantemento da panadería artesanal.
"Cando falo cos alumnos si que me din que compran pan industrial porque é máis barato co artesanal. Por iso eu trato de explicarlles que é xusto ao contrario. O artesanal é máis caro, pero é un investimento en saúde", conclúe.
