Rebenta en Berlín o maior acuario cilíndrico do mundo
A instalación estaba nun hotel de luxo da capital alemá e reabrirase recentemente
Un millón de litros de auga e 1.500 peixes tropicais vertéronse á rúa
O AquaDom, o acuario cilíndrico máis grande do mundo, situado no interior do hotel Radisson Collection de Berlín, rebentou este venres por razóns que aínda se descoñecen e verteu dentro do edificio e cara á rúa un millón de litros de auga e 1.500 peixes tropicais.
"A auga deste acuario filtrouse case por completo, tanto dentro do edificio como cara á rúa Karl Liebknecht", dixo un portavoz dos bombeiros.
Agregou: "Debido á alta presión da auga do acuario, ao rebentar levou por diante unha chea de obxectos, que agora están esparexidos pola rúa".
Cara ás 5:45 da mañá sentiuse un ruído moi forte, sinalou un portavoz da policía, quen agregou que partes da fachada do hotel onde se atopaba o acuario voaron á rúa.
No incidente quedaron feridas leves dúas persoas.
Segundo o diario Bild, a rotura do acuario é consecuencia da fatiga de materiais, a pesar de que o AguaDom se reabriu recentemente no verán de 2020 tras dous anos e medio de traballos de renovación cun custo de 2,6 millóns de euros.
.png)
