A Policía abate en Múnic unha muller que atacou cun coitelo a dúas persoas na rúa

Unha muller foi abatida pola Policía en Múnic, no sur de Alemaña, tras atacar varias persoas cun coitelo, segundo informou este sábado a cadea rexional bávara Bayerischer Rundfunk. 

Un portavoz da Policía dixo ao medio que os feitos ocorreron pasadas as 20:00 horas da noite e que hai dous feridos leves, un home de 56 anos e unha muller de 25.

Unha muller atacante, de 30 anos, feriu primeiro un home e despois a moza, segundo relata o diario alemán Bild.

Pouco despois, a Policía disparou ao atacante cunha arma regulamentaria nunha intersección de rúas próxima á zona onde se produciu o ataque. A ataquente, foi operada de urxencia.

"Durante a detención produciuse un uso letal dun arma de fogo. É dicir, os compañeiros víronse obrigados a usar a arma de lume. A muller morreu máis tarde no hospital", afirmou o voceiro da policía.

O voceiro da Policía afirmou que aínda se descoñecen os motivos da presunta autora da agresión. Confía en qu nas próximas horas se poida descubrir algo.

Os axentes acordoaron a zona. Pero no chan aínda quedan restos do ataque, como vendas no chan. Os axentes con cans rastrexadores aínda están a buscar pistas no parque Theresienwiese, onde se produciu o ataque e lugar habitual de celebración da Oktoberfest.

Ataques similares en Hamburgo e Passau

Hai exactamente dúas semanas que unha muller que recibira o alta o día anterior dun hospital psiquiátrico e que carecía de domicilio fixo apuñalou a 15 persoas na estación central de trens de Hamburgo, no norte de Alemaña.

Tamén un home de 48 anos arroiou este venres en Passau (sur do país) a cinco persoas co seu vehículo, aínda que segundo a Policía todo apunta a un posible acto de violencia de xénero dirixido contra a súa esposa e a súa filla de cinco anos, que tamén resultaron feridas no ataque