Operación Carioca: as penas redúcense de máis de 500 anos a 10 e eximen de entrar no cárcere
A Fiscalía pasou de pedir máis de 500 anos de prisión a apenas 10
O presunto cabeza da trama é José Manuel García Adán
Concentración da Plataforma cidadá contra a impunidade da Carioca
Dende un cárcere de León e por videoconferencia compareceu o principal acusado, José Manuel García Adán. Recoñeceu, entre outras, as acusacións de prostitución coactiva, tenza ilícita de armas e atentado contra o dereito dos traballadores.
Solicitaban para el máis de 200 anos de prisión, pero tras o acordo coa Fiscalía quedarán en seis. A súa avogada, Esther Amado, explicou que como García Adán xa está a cumplir a pena máxima por outra condena esta pena non lle afecta e non lle suporá máis anos de prisión.
A atenuante das dilacións indebidas tamén reduce a pena de José Manuel Pulleiro pasando de máis de 200 anos a 3. O seu avogado, Cándido Conde Pumpido sinalou que non ingresará de novo no cárcere porque xa cumpriu máis da pena pactada agora.
Tamén se librará da prisión a acusada de captar mulleres vulnerables no Brasil e que acabou colaborando coa xustiza.
Ás portas da audiencia concentrouse a Plataforma cidadá contra a impunidade da Carioca para amosar a súa indignación coa redución de penas acordada pola fiscalía e que consideran unha humillación contra as 400 mulleres afectadas nesta trama de prostitución.
Esta peza separada da Carioca quedou vista para sentenza.
