Reacción a tempo do Pontevedra ante o Ceares

O Pontevedra resiste no liderado da 2 federación tras o seu triunfo no campo do Ceares.

O primeiro gol chegou nada máis sacar de centro, menos de 20 segundos tardou Álex González en rematar coa testa o centro de Oier Calvillo.

Pero o Ceares empatou no segundo tempo, Óscar Fernández rematou dentro da área unha xogada embarullada. Era o minuto 73 e os galegos tiveron unha reacción de líder, con dous goles cando o partido morría.

Charles no 88 e Álex González no 91 levaron o triunfo para a cidade do Lérez. O Pontevedra precisa catro dos seis puntos que quedan para ascender directo.