Protección Civil pide non levar ás zonas de incendios de xeito particular axuda non solicitada

O traballo sen descanso dos efectivos de loita contra o lume e as imaxes de devastación que deixan as lapas está esperando o espírito solidario dos galegos.

Pero como axudar os afectados polos incendios? Desde Protección Civil insisten en que todo o material que se faga chegar á zona debe responder a unha demanda, estar axustado ás necesidades e chegar a través das canles axeitadas.

Unha mensaxe importante para que a boa vontade non acabe por entorpecer o propio operativo.

"Todos nestes casos queremos axudar. Ves as imaxes e non podes pensar noutra cousa, pero a axuda debe ser canalizada, debemos saber que se precisa, onde levala e como repartila. E sempre baixo a supervisión do posto de mando avanzado", dixo Begoña del Río, a responsable da Agrupación de Voluntarios de Protección Civil de Santiago.