Prisión para un home detido por apuñalar outro en Cambre

Un home ingresou en prisión como presunto autor dun delito de homicidio en grao de tentativa tras apuñalar outro home no municipio coruñés de Cambre.

Así o confirmaron fontes da Garda Civil consultadas, que detallaron que os feitos se produciron na vía pública na madrugada do sábado ao domingo no barrio do Temple.

A Garda Civil detivo o presunto autor do apuñalamento, e a vítima tivo que ser trasladada ao Complexo Universitario da Coruña (CHUAC) por mor das feridas.

O detido pasou á disposición da autoridade xudicial que decretou o seu ingreso en prisión.