Primeira noite de controis en Baraxas para evitar a entrada de persoas sen fogar
Non houbo incidentes, pero tampouco evitaron que ducias de persoas durmiran igualmente no aeroporto
Os controis comezan ás nove da noite, ata as cinco da mañá. Nese horario queda unha porta aberta por terminal e só poden pasar os pasaxeiros con documentos para voar, os seus acompañantes e os traballadores do aeroporto.
Non houbo incidentes nin aglomeracións. A maioría dos pasaxeiros estaban informados de que esta noite comezaban os controis. E tamén o sabían os centos de persoas que van alí a durmir. Moitos entraron antes das nove para conseguir acceder sen complicacións. E ante os medios de comunicación reiteraban o evidente, que non é capricho, que están aí por supervivencia. E niso coincidían moitos pasaxeiros, en que non se pode expulsar a xente do aeroporto sen buscarlles outra opción.
Nas próximas horas reúnense o presidente de Aena e o alcalde de Madrid para buscar alternativas.
