Os tests de antíxenos non poden custar máis de 2,94 euros nas farmacias
Outros países europeos tamén teñen regulado o prezo destas probas
Desde este sábado os tests de antíxenos non poderán custar máis de 2,94 euros, un prezo regulado despois das queixas da cidadanía, que vía como o prezo se disparaba, especialmente durante as festas do Nadal. Ademais, só poden adquirirse nas farmacias.
España súmase así a outros países europeos que xa tiñan limitado o prezo dende hai tempo. En Portugal non poden superar o 2,10 euros nas boticas, aínda que tamén se poden atopar nos supermercados a un prezo máis baixo,
En Francia teñen limitado o seu custo ata un máximo de 6 euros, aínda que hai colectivos vulnerables que poden acceder a estas probas de balde.
No Reino Unido tamén son de balde para toda a poboación, que pode collelos en farmacias, bibliotecas ou centros de saúde. Mesmo se pode solicitar a entrega a domicilio.
En Alemaña a venda limítase a farmacias e supermercados e a menos de dous euros.
.png)
