Publicador de contidos

Publicador de contidos

Previa 1ª RFEF: todos preto dos play-off

Previa 1ª RFEF: todos preto dos play-off

O Celta Fortuna abre a xornada querendo cambiar a dinámica: son 6 partidos sen gañar

O Arenteiro viaxa o Logroñés buscando unha vitoria que o aproxime á promoción de ascenso

Roberto Trashorras debuta no banco do Anxo Carro contra o Fuenlabrada

O Deportivo quere seguir coa súas velocidade de cruceiro

G24.gal 24/02/2024 13:07

Dentro duns minutos o Celta volve a Barreiro na procura da Fortuna que lle está a faltar nestas últimas xornadas. Leva seis sen gañar, pero -ollo- porque en cinco delas a desfeita veu nos últimos seis minutos.  Neses minutos perdeu sete puntos cos que agora sería líder. Ás 16 pincipia. O Celta Fortuna recibe ao antepenúltimo, o Sestao. 

Ás 20 será a quenda do polbo mecánico, o Arenteiro, que ao ritmo daquela mítica Ramona.... marchou a Logroño disposto a referendar fóra os magníficos da casa. Están de sétimos a cinco puntos da promoción e ben merecen tanto aplauso.

O domingo ás sete estréase Roberto Trashorras no banco do Anxo Carro. O Lugo recibe o Fuenlabrada á busca dunha nova vitoria que o volva enganchar de cheo á pelexa polo ascenso.

Unha hora máis tarde, ás 20, será a momento do Deportivo. Ese equipo nun bo momento que converteu o medo en ilusión e as sombras en luces. Cinco vitorias seguidas. Con novo sistema, con Mella e Yeremai superlativos e con Lucas e modo determinante. Que non pare a música! O Dépor viaxa para medirse co Osasuna B, equipo de metade da táboa, que xa foi quen de rascar un empate na primeira volta en Riazor. 

Publicidade
Publicidade
Publicidade
Publicidade
Pódeche interesar

Publicador de contidos