Preocupación por un novo 'raiacoches' en Vigo

Despois da detención do famoso raiacoches do Calvario, os cidadáns de Vigo estaban máis tranquilos, ata que xurdiu outro individuo que se dedica a facer o mesmo. Desta vez o problema téñeno os veciños da rúa Buxo. Atópanse cada día co problema das raiaduras e as rodas picadas.  

Unha veciña viuno dende o o seu balcón e di que se trata dun home con barba de entre 40 e 50 anos. Piden colaboración cidadá para localizalo. Os habitantes desta zona de Vigo din que a situación é insostible e piden vixilancia policial.   

Os danos que provoca este individuo estanlles a xerar graves prexuízos económicos aos veciños, que xa presentaron denuncia ante a Policía Nacional.