O furacán Melissa deixa polo menos dez mortos en Xamaica e máis de 735.000 evacuados en Cuba

O furacán Melissa, de categoría 5, tocou terra en Xamaica con ventos de ata 295 quilómetros hora. Polo menos 10 persoas faleceron e o primeiro ministro declarou o país zona castastrófica. Ademais dos falecidos, hai un número indeterminado de desaparecidos e danos en hospitais, estradas e no sistema eléctrico. 

Ducias de casas derrubáronse e hai persoas  atrapadas baixo os entullos na localidade de Sou Gabion, en Petit-Goâve. As autoridades da zona advertiron de que se trata dun balance parcial, xa que continúa a procura de sobreviventes e desaparecidos.

Este mércores o furacán tocou terra xa na costa sur do oriente de Cuba acompañado de fortes ventos, intensas choivas e unha gran marusía ciclónica. Neste país máis de 535.000 persoas tiveron que ser evacuadas.

Está previsto que Melissa "siga sendo un furacán potente" cando se desprace polas Bahamas e así mesmo cando se achegue a Bermudas o xoves pola noite.

Os fortes ventos manteñen hoxe os avisos por condicións de furacán sobre as provincias cubanas de Granma, Santiago de Cuba, Guantánamo, Holguín e As Tunas; así mesmo sobre o sueste e centro das Bahamas .

Hai unha alerta de furacán vixente para Bermudas e aviso por tormenta tropical en Xamaica, Haití, a provincia cubana de Camagüey, Illas Turcas e Caicos. 

Na zona de Santiago de Cuba xa se recolleron ata 90 litros por metro cadrado