Os sanitarios portugueses alertan de que a quinta vaga xa chegou ao país

Os sanitarios portugueses alertan de que a quinta vaga xa chegou ao país e esixen que volva o uso da máscara. Con máis de 17.000 casos activos o país entra nunha nova fase despois de que hai dous meses se relaxaran as restricións por completo. 

Ante este aviso, o Goberno luso convocou o comité clínico para o vindeiro venres.  Os expertos analizarán con detalle esta quinta vaga de contaxios que, de seguir así, segundo os cálculos dos sanitarios chegaría aos 3000 casos diarios no Nadal.

A alerta está centrada nos contaxios exclusivamente porque grazas ás vacinas os casos non son graves e os hospitais non están saturadas nin se dispararon as mortes. Portugal é o país con máis poboación vacinada no mundo pero iso non evita que o Goberno vaia estudar volver ao teletraballo obrigatorio ou ao uso da máscara en interiores.