Portugal exime do IVE os tests de antíxenos durante o ano que vén
Os residentes próximos á fronteira cruzan o Miño para beneficiarse do aforro
En Portugal, os tests de antíxenos seguirán exentos do IVE durante todo o ano que vén. A medida que aprobou o executivo luso con carácter urxente incrementa as diferenzas co noso país.
Cun custo inferior a tres euros, as farmacias portuguesas reciben unha grande afluencia de galegos que viven próximos á fronteira para mercar unha destas probas. O aforro pode superar os cinco euros por cada test.
Nas boticas españolas os tests de antíxenos non baixan dos 4 con 90 céntimos. Ademais, nos últimos días a alta demanda fai que sexa difícil atopalos.
Os tests de antíxenos xa estaban exentos do IVE en Portugal, agora o Goberno luso estende a medida para todo o ano que vén. España mantén o IVE reducido do catro por cento, pero o prezo non está regulado e fíxano as farmacéuticas.
