Pontevedra, Ourense e Lugo acenden as luces do Nadal
Mercados de Nadal, concertos, pista de xeo e xogos para nenos completan a oferta para estas festas
As cidades de Pontevedra, Ourense e Lugo xa están, oficialmente, en tempo de Nadal.
Esta tarde acenderon a iluminación, o que supón o inicio dun extenso programa de ocio para estas festas.
En Pontevedra, na praza da Ferrería abriu o Poboado de Nadal, co tradicional mercado de artesanía e agasallos. Hai tamén pista de xeo, carpa de xogos e unha tirolina.
En Ourense, a inauguración das luces celebrouse cun concerto tributo a Sabina.
Durantes as festas haberá varias propostas musicais. E tamén un mercado de Nadal, un poboado natalicio e un tren exprés na Praza Maior.
E en Lugo a Praza Maior acolle o mercado do nadal e máis dun millón de luces led decoran case 70 rúas e prazas.
