Polonia e Romanía controlan con cazas as fronteiras con Ucraína tras a incursión de drons rusos
A Forza Aérea polaca e os aliados da OTAN están en alerta pola presenza de drons e Polonia viuse obrigada a pechar o aeroporto de Lublin, este sábado
Romanía cualificou de agresión o feito de que un dron ruso invadira o seu espazo aéreo e enviou dous cazas a controlar a fronteira con Ucraína
As liñas comerciais están facendo un corredor de seguridade para evitar os espazos aéreos de Polonia e Romanía fronteirizos con Ucraína, como se ve en tempo real en https://es.flightaware.com
Polonia controla con cazas as fronteiras con Ucraína
A presenza de drons rusos invadindo o espazo aéreo de Polonía e Romanía con Ucraína está complicando o tráfico aéreo na zona. Tal como se pode apreciar en tempo real na páxina https://es.flightaware.com, os avións comerciais están evitando esas rutas e os aparellos están navegando por rutas máis ao oeste.
Este sábado volveu ser un día complicado. Polonia coa OTAN e Romanía decidiron mobilizar as Forzas Aéreas enviando cazas de recoñecemento e disuasorios.
Tráfico aéreo ás 10:15 horas deste domingo. Os avións evitan as fronteiras de Polonia e Rumanía con Ucraína, como se aprecia na captura de https://es.flightaware.com/
Polonia mobiliza a aviación e pecha o aeroporto de Lublin pola presenza de drons sobre Ucraína
A Forza Aérea polaca e os seus aliados da OTAN foron mobilizados este sábado para cubrir o espazo aéreo de Polonia tras recibirse informes dunha posible ameaza de drons rusos nas rexións fronteirizas con Ucraína, o que obrigou, ademais, ao peche do aeroporto da cidade de Lublin, informou o mando operativo das Forzas Armadas Polacas.
Nun comunicado en X, o mando operativo escribiu que, "debido ao risco de ataques con aparellos non tripulados nas rexións de Ucraína fronteirizas coa República de Polonia, iniciáronse operacións da Forza Aérea no noso espazo aéreo".
"Co fin de garantir a seguridade do noso espazo aéreo, o mando operativo das Forzas Armadas da República de Polonia puxo en marcha todos os procedementos necesarios. No noso espazo aéreo operan aeronaves polacas e aliadas, e os sistemas terrestres de defensa aérea e recoñecemento de radar foron postos en estado de máxima alerta", agregou.
Subliñou que as medidas son "de carácter preventivo" e teñen por obxecto "garantir a seguridade do espazo aéreo e a protección dos cidadáns, especialmente nas áreas adxacentes á zona ameazada".
O mando operativo sinalou, ademais, que supervisa a situación actual, e as forzas e medios subordinados permanecen en plena alerta para reaccionar de inmediato.
A Axencia Polaca de Servizos de Navegación Aérea (PANSA) informou, pola súa banda, de que, debido ás operacións da forza aérea, o aeroporto de Lublin e a zona circundante quedaba pechado ao tráfico aéreo civil.
Polonía está a despregar máis efectivos na fronteira con Ucraína
Engalan dous cazas romaneses ante a entrada dun dron na zona fronteiriza con Ucraína
Dous cazas romaneses engalaron este sábado ante a presenza no espazo aéreo do país dun dron ruso, nun incidente que o Goberno de Bucarest cualificou de agresión, durante outro ataque ruso a instalacións en territorio ucraíno preto da fronteira con Romanía.
"A Forza Aérea Romanesa interceptou hoxe, 13 de setembro, un dron ruso que invadiu o espazo aéreo nacional", anunciou o ministro de Defensa, Ionut Mosteanu, minutos despois dun primeiro comunicado no que non se identificou a orixe do aparello.
O ministro sinalou que dous cazas F-16 engalaron "urxentemente" e rastrexaron a aeronave non tripulada ata que desapareceu do radar na rexión de Tulcea, a uns 20 quilómetros da fronteira con Ucraína.
Mosteanu engadiu que a poboación da zona non correu perigo e advertiu que "Romanía defende o seu espazo aéreo e mantense vixiante #ante a agresión rusa".
O Ministerio de Defensa informara previamente de que os avións detectaron o dron sobre as 18:23 (15:23 GMT), uns 15 minutos despois de engalar.
A misión dos aparellos era vixiar o espazo aéreo ante a presenza do dron tras os ataques aéreos rusos de hoxe contra infraestruturas ucraínas no Danubio, preto da fronteira romanesa.
Defensa lembrou nun comunicado que a lei a autoriza a derrubar as aeronaves que entren no espazo aéreo do país sen autorización.
Imaxe do comunicado do Goberno rumano anunciando a presenza de drons rusos no seu territorio
España anuncia que aumentará a súa contribución á seguridade aérea no flanco leste da OTAN
Este venres, 12 de setembro, o Goberno anunciaba que España vai incrementar a súa contribución á seguridade e disuasión do flanco leste da OTAN, tras a invasión do espazo aéreo de Polonia por parte de drons rusos, xa o mércores pasado.
Nunha mensaxe publicada nas redes sociais, o Ministerio de Defensa anuncia este aumento da contribución española "en misións de vixilancia e control" en coordinación co plan aliado, aínda que non ofrece máis detalles dese incremento.
España, en coordinación con el planeamiento aliado, incrementará su contribución a la seguridad y disuasión en el espacio aéreo del Flanco Este de la OTAN, en misiones de vigilancia y control.
✈️Compromiso con la seguridad común. pic.twitter.com/yJ4Unyu7Ge
— Ministerio Defensa (@Defensagob) September 12, 2025
O secretario xeral da OTAN, Mark Rutte, anunciou este venres unha nova iniciativa militar bautizada co nome de Sentinela oriental coa que se busca reforzar a defensa do flanco oriental da Alianza, tras as últimas invasións do espazo aéreo.
Today we announce the launch of “Eastern Sentry” to bolster our posture even further along our eastern flank.
— Mark Rutte (@SecGenNATO) September 12, 2025
This military activity will involve a range of assets from Allies.
Eastern Sentry will make clear that #NATO is always ready to defend. pic.twitter.com/fcdjdnHX5w
Nunha rolda de prensa na sede da Alianza, en Bruxelas, Rutte detallou que esta nova actividade militar comezará "nos próximos días" e explicou que "ademais de capacidades militares máis tradicionais, este esforzo tamén incluirá elementos deseñados para abordar os desafíos particulares asociados co uso de drons".
