Morren dez persoas nun ataque ruso contra un edificio civil en Khárkov
Entre os falecidos hai unha nena de trece anos e un neno de nove
Tamén hai dez persoas feridas, entre elas dous nenos de seis e once anos e unha rapaza de dezasete
Segundo Ucraína, Rusia lanzou 29 mísiles e uns 480 drons contra esta cidade
Polo menos dez persoas, entre elas dous menores, faleceron nun ataque balístico ruso contra un edificio residencial na cidade nororiental ucraína de Khárkov.
Así o confirmaba este sábado o presidente Volodímir Zelenski. Entre as vítimas mortais hai unha nena de trece anos e un neno de nove, mentres que baixo os cascallos podería haber aínda outras catorce persoas.
Tamén hai dez persoas feridas, entre elas dous nenos de seis e once anos e unha rapaza de dezasete. Os servizos de emerxencia seguen a traballar para sacar os entullos.
Segundo informou o presidente ucraíno, Rusia lanzou 29 mísiles e uns 480 drons contra Khárkov.
