Cinco detidos nun operativo antidroga en Ourense

A Policía Nacional detivo polo menos a cinco persoas nunha nova operación antidroga na cidade de Ourense.

Segundo informaron fontes próximas á investigación, os axentes, apoiados por cans, accederon a un domicilio situado nesta rúa, no marco dun amplo operativo, cuxa investigación está xudicializada.

Nestes momentos, descoñécese a cantidade de droga aprehendida na operación policial, que se saldou con cinco detidos.

Esta operación prodúcese tan só unha semana despois do golpe levado a cabo no barrio ourensán de Covadonga, que se saldou con dez rexistros domiciliarios e quince detidos, así como coa incautación do maior alixo de heroína no que vai de ano.

Así, incautáronse tres quilogramos de heroína, ademais de haxix, cocaína e outra substancia coñecida coloquialmente como “rebujito”, unha mestura de cocaína e heroína.