Así é o desvío da A-6 en Pedrafita para un camión
Os transportistas din que o novo ramal é perigoso pola súa forte pendente e o seu trazado en curva
Teñen que circular moi amodo porque se quedan parados no medio da subida, xa non poden volver arrancar
Acompañamos a Diego no inicio da súa ruta a Tarragona. Con 40 toneladas no remolque, nas primeiras subidas o peso xa marca a nosa marcha. "Imos a 45 ou 50 por estas subidas, pero a do desvío é unha auténtica barbaridade", conta este camioneiro.
Explica que o problema está no seu trazado en pendente e en curva: "Non podemos subir por unha subida cun desnivel dun 14 por cento, cun vehículo que agora leva 40 toneladas, iso é unha bomba de reloxería, como teñas que parar no medio da costa e imposible arrancar, xa tiveron que remolcar varios camións".
Que os remolquen sería o menor dos seus problemas. "Se quedas no medio pegas un tirón para atrás e a mercadoría, adeus; parar pode traer grandes avarías nos aparatos que custan un diñeiral", asegura Diego.
Hoxe a estrada está mollada o que esixe máis precaución. "Temos que empezar xa a reducir, nunha marcha curta para poder remontar a subida e comprobar o resto do tráfico por si hai que esperar", refírese a saída do túnel de Pedrafita.
A estrada está libre, pero xa na primeira curva: "Aceléralle forte para arriba, fíxate o que tira, o camión vai a tope, se temos que parar aquí xa non damos arrancado", di Diego.
Hoxe houbo sorte, pero co inverno as portas téñeno claro: "Imos pasar máis pola vila que polo novo desvío".
