Pensa operarse Yeremay cando remate a tempada?: "Non, non..., estou como un animal"

A gran novidade no once do Deportivo ante o Mirandés foi a presenza de Yeremay, a noticia máis esperada polo deportivismo. O pasado 21 de febreiro o canario dixo basta e decidiu parar despois de levar varios meses xogando cunha pubalxia que o estaba limitando en exceso. Tres partidos de descanso pleno e unha volta  que iniciou ante o Zaragoza ao disputar os últimos 18 minutos de partido.

A partir de aí, Hidalgo foi dando sempre minutos, pero con paciencia e sen forzar ante unhas dores que melloraban, pero non desaparecían. A rodaxe foi de cinco xornadas ata que este pasado luns decidiuse que chegara o seu momento. O resultado non puido ser máis óptimo, xa que o 10 branco e azul foi o mellor do partido xunto a Mario Soriano e lembrou o Yeremay máis decisivo e máxico. Con todo, pensa operarse a final desta tempada?

"Non, non, non...estou coma un animal".

O canario marcou un gol de penalti e asistiu a Nsongo na remontada contra o Mirandés, a pesar de as súas molestias no pube. Haberá que ver se volve ser titular no partido de Burgos.