Pegada de líder do Córdoba en Barreiro (1-2)
Terceiro triunfo para o equipo cordobés, que se amosou como un equipo moi poderoso
Marcou Lautaro no treito final, pero o Celta B non puido remontar
O Córdoba demostrou en Barreiro a fortaleza deste inicio de temporada. Gañou por 1-2 diante dun Celta B incapaz de amosar a súa mellor versión.
O primeiro tempo foi de control visitante, impedindo o fútbol alegre do Celta e aproveitando unha das ocasións das que dispuxo. No minuto 31 Willy Ledesma marcaba o 0-1.
Ao descanso, Giráldez tentou mudar a dinámica metendo catro trocos. Conseguiuno durante un cuarto de hora con ocasión de Losada e Raúl Blanco. Pero no 59 Kike Márquez marcaba o 0-2.
Estivo máis preto o terceiro do cadro cordobés, ata que no 89 Lauti marcaba o tanto definitivo, un gol que chegou demasiado tarde para soñar coa remonta.
