Paula Prado di que o problema da vivenda "non se soluciona con ruído e acampadas"

A secretaria xeral do PPdeGalicia, Paula Prado, dixo este sábado na terceira romaría do partido en Santiago que o problema da vivenda que vive España "non se soluciona con ruído e acampadas" e si con medidas "reais".

Nas súas palabras neste acto que acolleu o Seminario Menor, puxo en valor o labor de Alfonso Rueda a cargo da Xunta ao enfrontar a crise habitacional construíndo "fogares" mentres que outros partidos "dedícanse a intentar aprobar decretos improvisados, a vender fume ou a xogar".

Apuntou que o Executivo galego é máis "de chaves en man".