Pasarón acollerá o partido entre España e Italia da Liga das Nacións feminina

A selección española feminina xogará en Pasarón o vindeiro 1 de decembro diante de Italia. O partido pertence á UEFA Women's Nations League onde España compite e lidera o Grupo D, unha competición fundamental para que poida estar nos Xogos Olímpicos de París .

A Federación Galega apostou forte por traer á cidade natal de Tere Abelleira un dos dous compromisos. O outro irá ao campo de La Rosaleda en Málaga onde se xogará o España-Suecia (5 de decembro). 

España lidera o seu grupo logo de gañarlle a Suecia (2-3) e de golear a Suíza (5-0) en Córdoba na ventá que se xogou no mes de setembro.