Partido benéfico contra o cancro de mama

A intensa chuvia que caeu durante a tarde en Ourense non disuadiu as xogadoras do partido de fútbol máis comprometido: o partido contra o cancro de mama, que se disputou no campo municipal de Oira.

Dunha banda, a Escola de Fútbol Feminino Rosalía e da outra, un equipo solidario integrado por mulleres da esfera pública da cidade, desde a política, á comunicación ou o sector sanitario, entre outras. A recadación, cinco euros por entrada, vai destinada á Asociación Española contra o Cancro.