Óscar Mingueza reforza a defensa do Celta

Á falta de completar o recoñecemento médico, Óscar Mingueza xa é xogador do Celta. O Barcelona e o conxunto vigués chegaron a un acordo para que o defensa catalán vista a camisola celeste as vindeiras catro temporadas. 

Mingueza formouse nas categorías inferiores do Barça e deu o salto ao primeiro equipo da man de Ronald Koeman. Con el tivo moita presenza en defensa, pero desde a chegada de Xavi a súa importancia no equipo baixou moito. De feito o adestrador non o incluiu na lista que viaxou aos Estados Unidos e dixéralle que non contaba para esta temporada.

Con Mingueza o Celta gaña un defensa novo, que pode actuar tanto como central ou lateral e con experiencia nun dos grandes do fútbol español. 

𝐂𝐨𝐦𝐮𝐧𝐢𝐜𝐚𝐝𝐨: El #RCCelta y el @FCBarcelona alcanzan un principio de acuerdo para el traspaso de Óscar Mingueza.

— RC Celta (@RCCelta) July 30, 2022