Os veciños dos Rosales, na Coruña, defenden a seguridade do barrio
Hai conmoción e incredulidade no barrio tras da morte dun veciño a coiteladas
O suceso desta fin de semana mantén conmocionado o barrio dos Rosales.
"Mal porque éste é un sitio seguro. E ademais a plena luz do día", asegura un veciño.
Sensación de incredulidade entre os veciños, que aseguran que se trata dunha dunha zona residencial tranquila.
"Isto é unha cidade dormitorio. Non hai escándalos nin pasa nada", di unha veciña.
Na asociación de veciños din que se trata dun suceso fortuíto. E piden deixar traballar as forzas de seguridade.
"Podería pasar aquí coma en calquera outro barrio. Inseguridade non temos. Sempre foi un barrio tranquilo e seguirá sendo", explica Fernando Carrillo, presidente da asociación de veciños dos Rosales.
Desde o Partido Popular piden máis medios.
"Apostar pola policía local e máis efectivos. Tamén máis Policía Nacional e, sobre todo, policía de barrio", pide Miguel Lorenzo.
E din que os datos do Ministerio do Interior colocan A Coruña entre as cidades máis inseguras de Galicia. Desde o Concello desbotan facer declaracións.
