Publicador de contidos

Publicador de contidos

Os veciños da enseada do Orzán piden máis presenza policial na zona

Os veciños da enseada do Orzán piden máis presenza policial na zona

Nos últimos meses aumentaron considerablemente os altercados

Esta fin de semana houbo un acoitelamento

G24.gal 17/01/2022 15:05

Pelexas, ruídos a altas horas da mañá e agora agresións con arma branca... Isto é o que teñen que aturar os veciños da enseada do Orzán todas as noites de martes a sábado.

Rubén Boullón, voceiro da asociación de veciños da enseada do Orzán, asegura que o día vinte e nove de decembro rompéronlle o nariz a un home e que o día dezaoito houbo outra pelexa que obrigou a presentarse na zona os equipos de emerxencia. Asegura que todas as semanas é así.

Dun tempo a esta parte mesmo se comezaron a rexistrar algúns roubos en vivendas, o que fixo aumentar aínda máis a inseguridade na zona.

Unha veciña di que lle entraron a roubar na casa a plena luz do día.

Dende a asociación de veciños piden máis presenza policial no barrio, sobre todo polas noites que é cando se produce a maioría dos altercados. Rubén Boullón da asociación de veciños da enseada do Orzán denuncia que non se cumpre o toque de non queda.

A alcaldesa da Coruña anunciou a mediados de setembro que ía reforzar a vixilancia e as sancións na zona do Orzán, pero catro meses despois os veciños seguen vendo como as cousas en lugar de mellorar seguen empeorando. Piden máis contundencia para acabar coa inseguridade e o vandalismo.

 

Publicidade
Publicidade
Publicidade
Publicidade
Pódeche interesar