Os traballadores de Vestas retoman as protestas

Con barricadas de rodas e lume, os traballadores de Vestas cortaron a estrada que une a comarca da Mariña coa provincia da Coruña, nas inmediacións da ponte do Barqueiro.

Volven á rúa para reclamar unha solución que evite o despedimento dos 115 empregados da factoría de Viveiro e urxen a busca dun comprador para a factoría. Rexeitan as baixas incentivadas que propón a empresa e claman por un futuro para as súas familias.

Ortigueira, Lugo e Santiago serán os próximos destinos, onde os traballadores de Vestas se mobilizarán na busca de solucións.