Os traballadores de Siemens Gamesa estudan novas mobilizacións ante a venda da planta das Somozas

Siemens Gamesa abre a porta a vender ou alugar a planta das Somozas malia ir en contra do plan industrial acordado cos sindicatos. As instalacións dedicadas á fabricación de pas eólicas pechou as súas portas hai agora un ano co despedimento colectivo dos seus 215 traballadores.

Dentro dos acordos de compensación estaba a busca doutras actividades industriais, pero esta porta péchase coa posibilidade de vender as naves. A planta aparece nun portal inmobiliario especializado neste tipo de activos. Os traballadores din estar decepcionados e non desbotan retomar as mobilizacións.