Os socialistas apoian as demandas do transporte de máis axudas para paliar os prexuízos polo peche da A6

Ao peche da A-6, a principal estrada de conexión de Galicia coa Meseta, e aos prexuízos que este corte está a provocar no transporte, referiuse hoxe o secretario xeral do PSdeG-PSOE. Valentín González Formoso apoia as reivindicacións do sector de máis axudas e dixo que estas deben chegar de todas as administracións.

 "É unha demanda xusta e lóxica, hai que prever que isto se vai estender no tempo, se á inflación e aos elevados custos actuais lles sumamos esta nova carga que supón este colapso, evidentemente creo que esas axudas deben existir por parte de todas as administracións", dixo o socialista.