Os atrasos na subministración de pezas saturan os talleres mecánicos de coches agardando reparación
Os atrasos na subministración de pezas saturan os talleres mecánicos de coches agardando reparación
Vense obrigados a recorrer aos despeces
A falta de repostos está a saturar moitos talleres mecánicos en Galicia. Os profesionais vense con frecuencia na obriga de recorrer a talleres de despezamento para poder arranxar os vehículos. Hai pezas que poden chegar a tardar meses para conseguilas.
Francisco dedícase principalmente á reparación de camións. As demoras na chegada dos repostos que precisa están poñendo en xaque o seu traballo: "Tardan moito en chegar e estamos sempre agardando polo material".
A poucos metros, noutro taller, Jesús ten o mesmo problema: "Levo 30 anos no sector e nunca pasou algo así".
Isto satura os talleres de vehículos parados agardando a que cheguen as pezas. Luis Abelleira, presidente provincial da Asociación de Talleres de Lugo di que o seu beneficio está na man de obra, non nas pezas, pero que se non chegan as pezas non poden traballar.
Detrás está a parada de fabricación pola covid en Asia. Cren necesario que Europa recupere a fabricación de compoñentes.