Os ministros de Sanidade do G7 cren que a variante ómicron é altamente contaxiosa e piden medidas urxentes

Os ministros de Sanidade do coñecido como G7 cren que hai que tomar medidas urxentes para frear a expansión da nova variante ómicron, que consideran altamente contaxiosa.

Nunha reunión telemática de urxencia convocada polo Reino Unido, as maiores economías do mundo coincidiron en que hai que seguir colaborando para abordar esta nova ameaza e outras que poidan vir no futuro.

Os ministros loaron o traballo exemplar de Suráfrica alertando desta nova variante e recoñeceron a necesidade de garantir o acceso de todos ás vacinas.