Publicador de contidos

Publicador de contidos

Os ministros de Pesca da UE deciden o futuro inmediato da pesca española

Os ministros de Pesca da UE deciden o futuro inmediato da pesca española

A xuntanza non rematará antes do martes ao mediodía

Galicia está especialmente preocupada polas capturas de xurelo e anguía

O ministro Luis Planas encabeza a delegación española na reunión
G24.gal 11/12/2022 14:21 Última actualización 11/12/2022 14:55

Os responsables de pesca da Unión Europea comezaron este domingo a última e decisiva reunión do ano, na que decidirán as cotas pesqueiras para o 2023.

O ministro español amosouse optimista sobre os resultados dunha reunión especialmente importante para o futuro inmediato da frota española no Atlántico e, sobre todo, no Mediterráneo.

Proposta da Comisión

Se a Comisión Europea conseguise aprobar a súa proposta de redución dos días de traballo no Mediterráneo, isto prexudicaría directamente a case 700 barcos e uns 17.000 postos de traballo.

A preocupación no caso galego vén dada pola proposta europea de peche das capturas de xurelo nos caladoiros do Atlántico nororiental, que afectaría a case 3.800 tripulantes.

Os representantes galegos tamén esixirán que Europa teña en conta a maior sostibilidade da frota galega á hora de adxudicar cotas.

Capturas de anguía

O ministro Luis Planas dixo que España se oporá á prohibición de capturas de anguía, proposta por Bruxelas, ao tempo que se mostrou optimista no que se refire á pescada e á meiga.

A reunión prevese dura e longa, xa que os responsables de pesca europeos non rematarán antes do martes ao mediodía.

Publicidade
Publicidade
Publicidade
Publicidade