Os límites do corpo aberto chegan á carteleira

Tres filmes de estrea na recomendación semanal de Ángel Suanzes. O corpo aberto, de Ángeles Huerta, é unha produción galega que adapta un relato de Méndez ferrín con Tamar Novas, María Vázquez e Victoria Guerra nos papeis protagonistas.

Mantícora, de Carlos Vermut, é unha película que amosa a vida dun rapaz que crea monstros para videoxogos coas interpretacións de Nacho Sánchez e Zoe Stein.

Donde acaba la memoria, dirixida polo galego Pablo Romero-Fresco, é a biografía do historiador Ian Gibson a través da súa relación coas investigacións sobre Buñuel, Lorca ou Dalí.