Os galegos da ACB encaran partidos contra rivais de máxima entidade

Había 20 anos que o Breogán non tiña un inicio de liga tan bo. Catro vitorias e dúas derrotas é o balance dos de Mrsic. O domingo, ante un Valencia de Euroliga, loitarán por sumar a terceira vitoria consecutiva.

Tamén xoga competición europea o próximo rival do Obradoiro, o Gran Canaria. Moncho Fernández recupera a Marcus Paige e Leo Westermann. Unha preocupación menos para o técnico, que trata de curar outra ferida aberta. Malia encadear tres derrotas consecutivas, o técnico non cre que o equipo teña ansiedade por gañar.